Lesa umvwa byepi inge mubena kuyanda?

Bantu bamo balanguluka’mba Lesa kechi utako muchima nangwa kumona byo bayanda ne.

AKIMONAI BYAAMBA BAIBOLO

• Lesa umona kabiji wituta bingi muchima

  “Yehoba wamwene kuba’mba bubi bwa muntu bwavula pano pa ntanda . . . kabiji muchima wanji waubile bulanda.”—Ntendekelo 6:5, 6.

• Lesa ukapwisha buyanji bonse

  “Kwashalatu pacheche, babi kechi bakekalako ne; ukatajisha po baikalanga, kabiji kechi bakekalapo ne. Pakuba bakimote bakaswana ntanda, kabiji bakasangalelanga mu kuvula kwa mutende.”—Salamo 37:10, 11.

• Lesa byo akeba kwimubila

  “‘Amiwa nayuka bintu byo mbena kulanguluka kwimubila, mbena kulanguluka kwimuletela mutende kechi bya malwa ne, kwimulengela kwikala na luketekelo ne bwikalo bwawama bwa kulutwe,’ byo byaamba Yehoba. ‘Anweba mukangita ne kwiya kwi amiwa ne kulomba kwi amiwa, kabiji amiwa nkemumvwa.’”—Yelemiya 29:11, 12.

  “Fwenyai kwipi ne Lesa, ne aye ukafwenya kwipi ne anweba.”—Yakoba 4:8.