“Bakimote Bakaswana Ntanda”

Bonse twamonapo kala bantu boba nshiji ne bantu boba bintu byawama. Kabiji twakimonapo kala ne bantu bebikako kuba byawama bo bamanyika ku bantu bakanama. Nanchi kukekalapo kimye kukabula bantu boba nshiji bakwabo ne bubi pano pa ntanda nyi?

Pa Salamo 37 paji mukumbu wa buno bwipuzho kabiji paamba ne byo twafwainwa kuba ano moba. Monai byaambapo Baibolo pa mepuzho alondelapo.

• Twakonsha kuba byepi na bano bantu betumanyika?—Kyepelo 1, 2.

• Ñanyi kintu kikamwekela babi?—Kyepelo 10.

• Ñanyi bintu byo bakobila bantu baoloka kulutwe?—Kyepelo 11, 29.

• Ñanyi bintu byo twafwainwa kuba pa kino kimye?—Kyepelo 34.

Byambo biji mu Salamo 37 byanembelwe na lutangijilo lwa mupashi wazhila byaamba pa bintu bikamwekela boba ‘baketekela mwi Yehoba ne kulondela mashinda anji.’ Bakamonyi ba kwa Yehoba bakemukwasha kufunda Baibolo ne byo mwafwainwa kuba pa kuba’mba anweba ne batemwe benu mukekale na bumi bwa myaka ne myaka.