Byakwamba Pakutambika Magazini

Kyamba kya Usopa May 1

“Naketekela mwayuka kuba’mba Lesa kechi witulengele nobe maloboti abula kulangulukane, tuji nalūsa lwakwifuukwila kuba kiji kyonse kyotukeba kuba nekwifuukwila mizhilo yakulondela mukuba byawama. Pano twakonsha kwiitana kwepi mizhilo yawama yakwitukwasha kufuukula kuba byawama? [Lekai akumbule] Baibolo itukumbula [Tangai Isaya 33:22]. Kino Kyamba kya Usopa kiji namutwe wakonsha kwitukwasha byotwafwainwa nebyotwakonsha kumwenamo byawama mukulondela mizhilo nemafunde a Lesa.”

Loleni! Apr.-Jun.

Bulunda buji pakachi ka inanji nemwana ukyangye kusemwa bwakosa bingi. Bantu javula kechi bayukane’mba kupulumuna nangwa kusema mwana wafwila jimo kileta bingi bulanda kuwamukazhi mubwikalo bwanji bonse. Nangwatu banabakazhi bakwabo kechi javula jobayuka kilengela bano bainetu kwikala nabulanda bwauno mutundune. Pano abya mwakilangulukapo kala kuba’mba Baibolo yapana mukumbu? (Isaya 25:8) Ino Loleni! yalondolola byavula pakino.

Kyamba kya Usopa May 1

“Abya mwayukapo muntu umo wakolwa bingi nangwa walemananyi? Kwakubula nangwa kuzhinaukane, mwaswa kuba’mba bantu bayewo mutundu bakeba kwibakosesha. Pano twakonsha kwamba’mbaka pakuba’mba twibakoseshe? Baibolo yapana byambo byaluketekelo. [Tangai Isaya 35:5, 6.] Kino Kyamba kya Usopa kibena kulumbulula byotwakonsha kuketekela kuba’mba buno bungauzhi bukafikizhiwa.”

Loleni! Apr.-Jun.

Umvwe twalenga mambo kechi twiumvwa bakasulukane. Kimo kimye, tupopomenwa nekulanguluka’mba Lesa kechi wakonsha kwitubila lusane. Kino kyakonsha kushila Diabola kanya nekwitushukilwa bukiji-bukiji. Pano twakonsha kuba byepi umvwe tubena kwiumvwa kuzhatwa? (Yoba 1:9-11) Ino magazini yalondolola byotwafwainwa kuba inge twazhatwa.