Byakwamba Pakutambika Magazini

Kyamba kya Usopa Oct. 1

“Lufu lwavula lwakonsha kukepanako umvwe bantu kebatesheko muchima kumizhilo. Pamwaka pamwaka bantu bavula bafwa mambo akusula bipabi panembwa mizhilo yapamukwakwa. Mu Bahebelu 2:1 [Tangai] Bena Kilishitu bakambizhiwa kukilamo mukutesha muchima kubukine bwa Byambo bya Lesa. Twakonsha kuba byepi bino? [Lekai akumbule] Kino Kyamba kya Usopa kiji nakibaba kyaamba pauno mutwe.”

Kyamba kya Usopa Oct. 1

“Kibelengelo kyabantu batanwa kumachechi kibena kuya nakuvujilako bingi kabiji bamba nekwamba’mba bupopweshi bwanema bingi mubwikalo bwabo. Pano bino, bavula babena kuzhinauka bingi bupopweshi byobubena kubila bantu mubwikalo bwabo. Nga anweba mulangulukapo byepi? [Lekai akumbule] Twafwainwa kujimuka. (Tangai 1 Yoa. 4:1) Ino magazini yalondolola buneme bwakufunda lufunjisho lwalumbuluka.”

Kyamba kya Usopa Oct. 1

“Bavula bazhinauka bingi amba kana ano makatazho otupitamo akapwanyi kuyukane, nabiji makondo, bumbanzhi, nebyubilotu bileta moyo. Nanchi mulangulukapo’mbaka? [Lekai akumbule.] Baibolo yalaya uno mulaye walutekenesho. [Tangai Masalamo. 37:10, 11.] Ino magazini yalondolola ene mambo Lesa kyoakibujila kufumyapo bubi nebuyanji bobuleta.”

Kyamba kya Usopa Oct. 1

“Kechi kyenyine pakumona baana babacheche byobabena kubila bintu mujishinda jibula kusekesha bansemi. Mwapita bwikala bwabantu javula byobyo kikala. Bino nangwa byonkabyo, baana balelo bapusana bingi nabaana bajingako kala. Kyamweka nobe kechi bajipo naluketekelo lwakimye kyakulutwene. Abya mwayuka bakyanyike bavula kyobabena kubila nobe balubilamonyi? Umvwe mwibansemi baji nabaana bamyaka kutendeka pa 13 kufika ku 19, nanchi mwayuka byakwibakwasha mubino bimye byakatazhanyi? [Tangai Masalamo 119:9] Ino magazini muji byambo byawama bingi byakonsha kukwasha bakyanyike.”