Bya Kwamba pa Kusha Magazini

Kyamba kya Usopa Oct. 1

“Abya mulanguluka’mba twakonsha kufunjilako kiji kyonse kwi Lesa byo atwajijile kulekelako mambo bantu bamufichishanga ku muchima nyi? [Lekai akumbule.] Kino kibaba kyaamba pa buku wa Hoseya kibena kumwesha’mba Lesa ukeba kulekelako mambo aba balapila na muchima yense. Neatweba twafwainwa kwikala ba lusa ku bakwetu byonka byo aji aye.” Tangai Hoseya 2:23.

Awake Sept.

“Atweba bavula tukeba kwikala na butuntulu bwa mubiji bwawama ne kwikala myaka. Abya mulanguluka’mba kutwajijila kwikala na milanguluko yawama kyakonsha kwitukwashako kwikala na butuntulu bwa mubiji bwawama nyi? [Lekai akumbule. Apa bino mutange Byambo bya Mana 17:22.] Kino kibaba kyalumbulula ene mambo o kyanemena kutwajijila kwikala na milanguluko yawama.” Mumweshai kibaba kiji pa peja 26.

Kyamba kya Usopa Oct. 1

“Abya mwakyambapo kala’mba, ‘Mama nanchi ki ka kyaji kukumpa!’? [Lekai akumbule.] Akimonai byaambiwapo mu kino kyepelo pa ene mambo o tufuukwila kuba bintu bitulengela kwilangulusha pa kupitapo kimye. [Tangai Yelemiya 10:23.] Ino magazini yalumbulula mafunde atanwa mu Baibolo byo etukwasha kufuukula kuba bintu byawama.”

Awake Oct.

“Nanchi mulanguluka’mba baana lelo jino baji mu bizumba bikatampe kukila byo kyajinga kala nyi? [Lekai akumbule.] Bantu bavula balanguluka’mba tubena kwikala mu bimye byaambiwapo mu kino. [Tangai 2 Timoti 3:1-5.] Ino magazini yapana mashinda engila bulongo akonsha kukwasha bansemi kuzhikijila baana babo ku bangubabibi bakuna baana.”