Bya Kwamba pa Kusha Magazini

Kyamba kya Usopa Oct. 1

“Abya mulanguluka’mba buku wanembelwe kala kene, ne luno ukingila nyi? [Lekai akumbule.] Kino kibaba kibena kwamba pa buku wa Masalamo, kibena kumwesha Mambo a Lesa byo akonsha kwitukwasha kuyuka mwa kubila na makatazho ano moba, kabiji ne mu bukifwanyikizho byo amunyika mu jishinda jetu kwitubujila jimo bintu bya kulutwe.”

Awake Sept.

“Bantu bavula balanguluka’mba twalengelwe. Bamo nabo balanguluka’mba twaishilekotu. Abya ne anweba mujipo na mulanguluko mukwabo nyi? [Lekai akumbule.] Akimonai uno mulanguluko wa kwitukwasha kuyuka mukumbu wakine. [Tangai Yoba 12:7, 8.] Ino Awake! iikajila yaamba kyo twakonsha kufunda ku maana ne ndengelo iji mu bilengwa.”

Kyamba kya Usopa Oct. 1

“Bashayuka bafunda bintu byumi byo biji babena kweseka bingi kukepeshako bikola ne kulepeshako bumi bwa bantu. Nanchi mulanguluka’mba kulutwe na lwendo kikakonsheka bantu kwikala myaka ne myaka nyi? [Lekai akumbule.] Akimonai ene mambo o tutongela kwikala myaka yavula. [Tangai Musapwishi 3:11.] Ino magazini yalumbulula ene mambo Lesa o etulengejile na mulanguluko wa kwikala myaka ne myaka.”

Awake Oct.

“Pepi na muntu yense umvwa bingi bulongo kutamba televizhonyi. Pano bino, nanchi mulanguluka’mba twafwainwa kusalanga bya kutamba nyi? [Lekai akumbule. Apa bino mutange Byambo bya Mana 13:20.] Ino magazini yalumbulula televizhonyi byo itongola, kabiji yapana ne mashinda a kusajilamo byo twafwainwa kutamba.”