Kupituluka Mu Kupwila Kwa Kijiiji
Bino byambo byo bikengijishiwa pa kupitulukamo saka tukyangye kuya ku kupwila kwa kijiiji ne panyuma ya kuno kupwila mu mwaka wa mwingilo wa 2005. Mutwe waamba’mba “Lunengezho lwa Katataka lwa Kupituluka mu Majashi a Kupwila kwa Kijiiji ne Kwiikajila,” uji pa peja 4 mu kino kya mukachi, walondolola kuno kupitulukamo byo kukobiwa. Pa kupitulukamo, pimai kimye kuba’mba mepuzho onse epuzhiwe. Kupitulukamo kwafwainwa kwamba kikatakata byo twafwainwa kwingijisha byambo byaambiwe.
KIPUNGU KYA JUBA JITANSHI LUKELO
1. Ki ka kiketukwasha kwikala na maana afuma kwi Lesa?
2. Aba baji mu kijiiji, bebikako byepi kuba’mba basapwile mambo awama ku bantu bavula?
KIPUNGU KYA JUBA JITANSHI MUTE
3. Kyanemena ka bena Kilishitu kwikala babula biko mukachi ka mubiji? Kino kikebewa atweba kuba ka?
4. Twafwainwa kumwesha byepi amba twaikala mutende na balongo betu?
5. Kukoka muchima ko ku ka, kabiji twakonsha kwikumwesha byepi mu byo twingijisha kimye kyetu?
6. Tufundako ka kwi Saulo ne Nowa? Mu ñanyi mashinda mo twakonsha kumweshesha’mba ‘twapela kusashilwa nangwa’mba kukokela’? (Yakoba 3:17)
7. Bena Kilishitu bafwainwa kujimuka byepi kuchina kuba meso meso?
8. Twakonsha kulonda byepi Paulo mu kwamba maana a Lesa?
KIPUNGU KYA JUBA JA BUBIJI LUKELO
9. Mambo ka o twafwainwa kwikela bajimuka pa kusala bintu byotukeba kuba, kabiji ki ka kiketukwasha kuba kino?
10. Ñanyi kwibikako kuba boba baji mu kijiiji kuba’mba batanwenga ku kipwilo jonse, kabiji bamwenamo byepi mu kuba kino?
11. Mitwe ya bisemi yakonsha kukosesha byepi bisemi byayo?
12. Ñanyi kukajilwa kuji mu kijiiji kyetu kobetubujile?
KIPUNGU KYA JUBA JA BUBIJI MUTE
13. Kwesakana na byo kyaambiwe mu jashi ja mvula bantu, ñanyi mingilo yaoloka yaingijiwa na maana afuma mwiulu?
14. Kyaikela ka bumbulwamaana kwiketekela atweba bene nangwa kuketekela boba babula kutangijilwa na maana a Lesa? Mu ñanyi mbaji mo twafwainwa kwikala bajimuka?
15. Ku ñanyi bitewa maana a Lesa koetuzhikijila?
16. Kyanemena ka kwi atweba kwingijisha lujimuno lwapanyiwe pa kupwila kwa kijiiji?