Kupituluka Mu Majashi A Juba Ja Kupwila Kwiikajila

Bino byambo byo bikengijishiwa pa kupitulukamo saka tukyangye kuya ku kupwila kwiikajila ne panyuma ya kuno kupwila mu mwaka wa mwingilo wa 2005. Mutwe waamba’mba “Lunengezho lwa Katataka lwa Kupituluka mu Majashi a Kupwila kwa Kijiiji ne Kwiikajila,” uji pa peja 4 mu kino kya mukachi, walondolola kuno kupitulukamo byo kukobiwa. Pa kupitulukamo, pimai kimye kuba’mba mepuzho onse epuzhiwe. Kupitulukamo kwafwainwa kwamba kikatakata byo twafwainwa kwingijisha byambo byaambiwe.

KIPUNGU KYA LUKELO

11. Mambo ka o twafwainwa kutwajijila na kuteleka kwi Yehoba? Kuteleka ko ku ka? (“Ene Mambo o Twafwainwa Kutelekela ku Jiwi ja Yehoba”)

2. Bisemi byakonsha kwikala byepi na mutanchi wawama wa mingilo ya ku mupashi? (“Bisemi Biteleka ku Mambo a Lesa kwa Kubula Kulabikwa”)

3. Aba baji mu kijiiji bashukilwa byepi bimye bya kusapwila busapwishi bwa kushukilwa? (“Kubila Byonse Lukumo lwa Lesa”)

4. Ñanyi Mafunjisho o twakonsha kufunjilako ku bya kumwenako bya kwitujimunako biji mu Bahebelu byapitala 3 ne 4? Yehoba ubena kwamba byepi kwi atweba lelo jino? (“Kuteleka kwi Lesa Umvwe ke Ambe Kwitulamawizha”)

5. Mwamwenejilemo byepi mu jashi ja lubatizhilo? (“Kwipana ne Lubatizhilo”)

KIPUNGU KYA MUTE

6. Twakonsha kuyukapo ka pe Yesu byo akijinga mwanyike, kabiji bakyanyike ba mu kijiiji babena kulonda byepi kya kumwenako kyanji? (“Kutelekesha ku Byambo bya Lesa byo Kukosesha Bakyanyike Betu”)

7. Ñanyi mashinda amo bansemi o bakonsha kutendeka kufunjishishamo baana babo balukeke ne bakomako mu mashinda a Yehoba? (“Bakyanyike Bateleka kwi Lesa ne Kufunda”)

8. Mu ñanyi mbaji imo yo twafwainwa kutelekesha kwi Yehoba, ku Mwananji, ne kwi ‘kalume wa kishinka ne wa maana’? (Mat. 24:45) Mambo ka o kyanemena kuba bino? (“Iketainga ku Mafunde a Lesa”)