Kupituluka Mu Juba Ja Kupwila Kwiikajila

Bino byambo byo bikengijishiwa pa kupitulukamo saka tukyangye kuya ku kupwila kwiikajila ne panyuma ya kuno kupwila mu mwaka wa mwingilo wa 2006. Utangijila mu kipwilo ukanengezha kupitulukamo saka tukyangye kuya ku kupwila ne panyuma ya kuno kupwila, byonka byo kyanembwa mu Mwingilo Wetu wa Bufumu wa August 2004, peja 4. Kimye kya kupitulukamo, mepuzho onse afwainwa kwipuzhiwa, kabiji kupitulukamo kwafwainwa kwamba kikatakata byo twafwainwa kwingijisha byambo byaambiwe.

KIPUNGU KYA LUKELO

1. Kwikala na jiso jijitu kulumbulula ka, kabiji mambo ka o kyashupila kuba kino ano moba? (“Mambo ka o Mwafwainwa Kwikela na Jiso Jijitu?”)

2. Tumwenamo byepi mu kwikala na jiso jijitu? (“Nowainga Byawama na Mambo a Kwikala na Jiso Jijitu”)

3. Bizumba ka bifumamo mu kuba bintu bantu byo bamona’mba bijitu bulongo? (“Kwikala na Jiso Jijitu mu Ntanda Ibi”)

KIPUNGU KYA MUTE

4. Bansemi ne bakwabo bakonsha kutundaika byepi bakyanyike kwikala na bikonkwanyi bya ku mupashi? (“Bansemi Batonga Bulongo Miketo” ne “Bakyanyike Bakanamina Bikonkwanyi bya ku Mupashi”)

5. Twafwainwa kwendela byepi pamo na jibumba ja Yehoba (a) pa muntu pa muntu? (b) mu bisemi? (c) mu kipwilo? (“Tai Muchima Kwendela Pamo na Jibumba ja Yehoba”)