Bya Kwamba pa Kushajika Magazini

Kyamba kya Usopa Oct. 1

Inge kya kuba’mba twalanguluka pa byubilo ne bintu byaubanga bamfumu, bangauzhi, ne bakwabotu batongolwa mu 2 Bamfumu, abya mulanguluka’mba twakonsha kufunjilako ku bino bintu lelo jino nyi? [Lekai akumbule. Apa bino mutange Loma 15:4.] Kino kibaba kyalondolola bulongo bintu byo twafwainwa kukanamina ne byo twafwainwa kuchinuzhuka. Kabiji kyashimikizha ne mupashi wa Lesa byo akwashishe Elisha kumwesha bya kukumya 16.

Kyamba kya Usopa Oct. 1

Ano moba bantu bavula kibena kwibakatazha bingi kwitabila mwi Lesa. Ki ka kilengela kino? [Lekai akumbule.] Mu ino magazini, muji kibaba kibena kumwesha mfweto ifuma mu kwikala na lwitabilo, kabiji ne kutama kufuma mu kuketekela bintu byo tumona atweba bene. Tangai 2 Kolinda 4:18.

Kyamba kya Usopa Oct. 1

Tangai bwipuzho buji pa nkupiko. Apa bino mwipuzhe’mba: “Abya mwayuka kano kayukilo byo kambapo nyi? [Mulekai akumbule. Apa bino mutange Mateo 24:3.] Kino Kyamba kya Usopa mwanembwa bishinka bitanu byalumbulula bulongo kano kayukilo ne ene mambo o twafwainwa kwikayukila.” Mweshai kabokoshi kaji pa peja 6.

Kyamba kya Usopa Oct. 1

Kwikala bomi ke kintu kyawama bingi. Abya mulanguluka’mba kujipo kintu kimo kyo twakonsha kupana kwi Mulenga wetu nyi? [Lekai akumbule. Apa bino mutange Masalamo 148:12, 13.] Ino magazini ibena kumwesha byo twakonsha kuba atweba bonse, kikale twi banyike nangwa twi bakulumpe mu kutota Lesa. Kabiji yalondolola ne byakonsha kuba bansemi pa kufunjisha baana babo kwikala na byubilo bya Lesa.