Bya Kwamba pa Kusha Magazini

Kyamba kya Usopa Nov. 1

“Mu mapunzha mo twikala muji bantu bakonsha kwitufundako Maana engila. Abya mwakilangulukapo kala ko twakonsha kutana maana akijishamo kunema nyi? [Lekai akumbule. Apa bino mutenge Byambo bya Mana 1:2.] Kino kibaba kyalumbulula byambo byanembeshiwa na mupashi byafuma mu buku wa Byambo bya Mana byo byakonsha kwitufunjisha kwikala na maana ne kulondela mafunde.”

Awake Oct.

“Atweba bavula twafwishapo kala batemwe betu. Abya mulangulukapo amba kujipo bintu bimo byo twakonsha kwibobila nangwatu panyuma ya kufwa nyi? [Lekai akumbule.] Kino kibaba kyapana mukumbu wafuma mu Baibolo ku buno bwipuzho. Kabiji kyaamba ne pa uno mulaye wa lutekenesho.” Tangai Yoano 5:28, 29. Apa bino mumumweshe kibaba kyatendekela pa peja 10.

Kyamba kya Usopa Nov. 1

“Lelo jino kuji milanguluko yavula bingi pa mambo a kukomesha baana. Nanchi kyakonsheka bansemi kutambula Maana aketekelwa nyi? [Lekai akumbule. Apa bino mutange Masalamo 32:8.] Ino Magazini yapana mikambizho ingila kufuma mu Baibolo pa mambo a kukomesha baana.”

Awake Nov.

“Nanchi mwakilangulukapo kala ene mambo buyanji o bwavujila bibye umvwe kuji Lesa wa butemwe, waoloka kabiji wa bulume nyi? [Lekai akumbule.] Akimonai kino kinembelo byo kyaamba pa kintu kilengela buyanji. [Tangai 1 Yoano 5:19.] Ino magazini yalumbulula kufuma mu Baibolo Lesa byo abena kubapo kuba’mba afumyepo buyanji.”