Bya Kwamba pa Kushajika Magazini

Kyamba kya Usopa Nov. 1

“Bantu bavula betota bingi na mambo a kuyuka bintu kukila bakwabo, bunonshi nangwa na mambo a kwikala pa bifulo bikatampe. Abya mulanguluka’mba kuji mapesho afuma mu kuchinuzhuka mupashi wa kwitota nyi? [Lekai akumbule. Apa bino mutange Byambo bya Mana 16:18.] Kutanga kino kibaba kiji mu ino magazini kyaamba pe Lesa byo aubile na betotelenga kunyuma kyakonsha kwitukwasha bingi.”

Kyamba kya Usopa Nov. 1

“Abya mwakilangulukapo kala pa ntangi nangwa mfumu watelenga muchima bantu kuvwangakotu ne balanda, kupichila mu kwibatekenesha ne kwibatundaika nyi? [Lekai akumbule.] Ino magazini ibena kumwesha ntangi wa bilengwa byonse byo oba kino. Onkao mambo upana kya kumwenako kyawama kya kwikala bepelula.” Tangai Isaya 57:15.

Kyamba kya Usopa Nov. 1

“Bantu bavula babena kumanyikwa na mambo a nshiji iji mu ino ntanda. Abya mulanguluka’mba kwakonsha kwikalapo muntu wakonsha kupimpula bintu mu ntanda nyi? [Lekai akumbule.] Ino magazini yaamba pa bintu bikafumishiwapo. Kabiji ibena kumwesha ne ukebifumyapo kabiji ne byo akalengela ntanda kwikala ya mutende wa kine ne luzhikijilo.” Tangai Masalamo 72:12-14.

Kyamba kya Usopa Nov. 1

“Bantu bomvwa kuzhikijilwa kwenda na muntu ye baketekela bulongo wa kwibakwasha kikatakata inge baji pa musinso walepa. Mwakonsha kuba byepi umvwe bemwambijile’mba kyakonsheka kwenda na Lesa? [Lekai akumbule. Apa bino mutange Isaya 30:21.] Ino magazini ibena kumwesha bantu baendelenga na Lesa kabiji ne ene mambo o baendejilenga nanji. Kabiji yaamba ne pa byo kyatamina kwitolwela kwi Lesa.”