Bya Kwamba pa Kushajika Magazini

Kyamba kya Usopa Nov. 1

“Bantu bengijisha kyambo kya ‘Paladisa’ bimye byavula bingi. Nanchi mulangulukapo ka umvwe mwaumvwa kino kyambo? [Lekai akumbule, apa bino mutange 2 Kolinda 12:4.] Ino magazini yalondolola kino kyambo kya mu Baibolo kabiji ne ino paladisa byo iji.”

Kyamba kya Usopa Nov. 1

“Bantu bakeba bingi kwikala na muntu umo kasa ebatangijila. Pano umvwe bantu bakeba bantangi, nga mambo ka o bapimpwila bantangi kupichila mu bunsaji. Lekai akumbule, apa bino mutange Masalamo 146:3, 4.] Ino magazini yalumbulula mpito ya bwikalo byo imwesha amba kechi ntangi ujitu yense wakonsha kulama ne.”

Kyamba kya Usopa Nov. 1

“Bantu bavula ano moba bambapo bingi pa kutama kwa kupendwapendwa pano bino kechi bambapo javula pa kutunama ne. Nanchi kyanema kuchinuzhuka kutunama nyi? [Lekai akumbule.] Bantu bacheche bo balangulukapo pa kutunama byo kwakonsha konauna bumupashi bwabo [Tangai Luka 21:34.] Ino magazini yaamba pa kutunama byo kwatama.”

Kyamba kya Usopa Nov. 1

“Bantu bakonsha kumvwa kuzhikijilwa umvwe muntu wakishinka kabiji waoloka waikala ntangi wabo. Pano nanchi kyapela kwikala na ntangi wa uno mutundu ano moba nyi? [Lekai akumbule.] Baibolo waamba pa ntangi waoloka washinjile balwanyi banji kupana kishiino amba ye ntangi wafwainwa. [Tangai Yoano 8:46.] Ino magazini yalumbulula uno ntangi byo akobila bantu.”