Byakwamba Pakutambika Magazini

Kyamba kya Usopa Nov. 1

“Atweba bonse twafichishiwapo kala ku muchima pa kimye kimo. Abya mwakishikishapo kala amba, ‘Nanchi kujipo muntu ye nakonsha kuketekela nyi?’ [Lekai akumbule, apa bino mutange Byambo bya mana 3:5.] Ino magazini yalondolola ene mambo o twafwainwa kuketekela mwi Lesa. Kabiji yalumbulula ne byo twakonsha kuyuka bantu botwafwainwa kuketekela.”

Kyamba kya Usopa Nov. 1

“Kana mwakilangulukapo kala ene mambo o twikela na lukatazho pakachi ka kukeba kusangajika Lesa kupichila mu kulondela mizhilo yanji ne bintu bitukambizha mubiji wetu wa bumbulwakoloka amba tube nyi? [Lekai akumbule, apa bino mutange Ngalatiya 5:22, 23] Mu ino magazini muji kibaba kibena kwamba pa kwikanya byo kwakonsha kwitukwasha kuchinuzhuka bya lwiso bya panopantanda.”

Kyamba kya Usopa Nov. 1

“Lesa walengele mwanamukazhi na byubilo byawama byo akonsha kwingijisha mu masongola kuba’mba ekale a lusekelo. Pa kuba mu ino ntanda, bantu banemekako mwekelo ya muntu kikatakata mwanamukazhi. Mambo ka o kyaikela bino? [Lekai akumbule] Bino Yehoba aye wanemekako muchima wa muntu amba ye wakonsha kwikala wawama. [Tangai Byambo bya Mana 31:30]. Ino magazini yaamba pa byubilo bilengela mwanamukazhi kwikala wawama.”

Kyamba kya Usopa Nov. 1

“Kimye banyike kyo bakoma, kutangijilwa na bansemi yabo kuya na kukepana, kabiji mulanguluko wa kukeba kutumbalala ne kumonwa bulongo ku bakwabo ubailako. Bakonsha kutendeka kuvwala, kwamba, ne kuba bintu mu jishinda jubilamo bakwabo. Nanchi bakonsha byepi kwikala na bulume bwa kukana bintu bibakanjikizha bakwabo banyike amba bobe? [Panyuma ya kukumbula, tangai Byambo bya Mana 27:11] Ino magazini yaamba pa byakumwenako byawama bya banyike bachinchikile kubula kulondela byatama kuba’mba basangajike mulenga wabo.”