Byakwamba Pakutambika Magazini

Kyamba kya Usopa Nov. 1

“Baibolo yamba kuba’mba meso a Lesa apitañana pano pantanda ponse. Nanchi kino kyafwainwa kwituletela moyo, uba nobe Lesa ukeba bilubo mwiatwebanyi? [Lekai akumbule] Baibolo itupa luno luketekelo. [Tangai 2 Byambo bya Moba 16:9.] Nemutundaika kutanga byambo bimo bikwasha biji muino magazini.”

Kyamba kya Usopa Nov. 1

“Atweba bavula tukeba bingi kwikala mutende nabakwetu. Bino naketekela musakwitaba kuba’mba javula kyapela bingi kwikyamba kukila kwikyuba. [Lekai akumbule.] Baibolo yalondolola kine kintu kino byokyaikela bino. [Tangai Yakoba 3:2.] Kino kibaba kyaamba pakulomba lulekelo lwamambo byokwaikala jishinda jakubwezhezhamo nekutwajijila kwikala mutende.”

Kyamba kya Usopa Nov. 1

“Satana kekilengwa kyamupashi kiji bingi nangovu kyaimena pakonauna bulumbuluke bwetu kwi Lesa. Abya mwalanguluka’mba bantu bambulwakoloka bakonsha kumukana? [Lekai akumbule.] Monai Yesu byoajinga wakumwenako wawama yetwafwainwa kumwenako mukino. [Tangai Mateo 4:11] Ino magazini yamwesha neatweba byotwakonsha kumukana.”

Kyamba kya Usopa Nov. 1

“Bena Kilishitu bakine besekesha bingi nangovu kwikala bantu bawama. Byubilo byetu byalamata byepi kumpopwelo yetu? [Lekai akumbule.] Baibolo itundaika bena Kilishitu kwikala nabyubilo byawama kabiji yalumbulula nekyobafwainwa kwikela nabino byubilo. [Tangai 1 Petelo 2:12] Ino magazini yatongolapo mashinda amo otwafwainwa kuteshako muchima.”