Bya Kwamba pa Kusha Magazini

Kyamba kya Usopa July 1

“Mbena kukeba kuyuka mulanguluko wenu pa kino. Nanchi mumona’mba kijitu bulongo kulanguluka amba twalengelwe na muntu wa maana akila nangwa’mba twaishilekotu atweba bene nyi? [Lekai akumbule, apa bino mutange Salamo 139:14.] Ino magazini yamwesha muntu umo ye twakonsha kumwenako wayukile ne kuswa amba koaji Mulenga wa butemwe wamulengele.”

Awake June

“Atweba bonse tukeba kwikala na mali a kwikwashishamo. Abya mulanguluka’mba muntu wakonsha kuteshatu muchima mu kukebesha mali nyi? [Lekai akumbule.] Monai byaambiwapo mu kino pa mambo a bintu byakonsha kufuma mu kukebesha bya bunonshi. [Tangai 1 Timoti 6:10.] Ino magazini yaamba pa mashinda amo awama akonsha kukwasha muntu kupeezhako bwikalo bwanji ne kumukwasha kwikelatu mu mali acheche.”

Kyamba kya Usopa July 1

“Nanchi mwakilangulukapo kala ene mambo bantu o bebamanyikila na mambotu a kuba’mba bapusanako kikoba nangwa kyalo nangwa na mambo a kuba’mba bamba mulaka ungi nyi? [Lekai akumbule.] Monai ene mambo aambiwapo mu kino. [Tangai 1 Yoano 4:20.] Ino magazini yakumbula bwipuzho bwa kuba’mba, Nanchi bantu ba mitundu yapusana pusana bakakwatankana nyi?”

Awake July

“Kupusanako na banyama baji na maana a kisemwatu, bantu baji na bulume bwa kwifuukwila mizhilo yo bafwainwa kulondela. Mulanguluka’mba twakonsha kufumya kwepi mizhilo yawama ya kwitutangijila? [Lekai akumbule, apa bino mutange Salamo 119:105.] Ino magazini yaamba pa buneme bwa lutangijilo lutanwa mu Baibolo.”