Bya Kuvululako bya pa Kivuluko

Bakulumpe mu kipwilo bafwainwa kulondela bino bintu pa kunengezha Kivuluko:

◼ Monai’mba kechi mwapishamo bimpashañano juba saka jikyangye kuzhika ne.

◼ Shinkwa ne binyu byafwainwa kunengezhewa jimo.—Monai Kyamba kya Usopa kya March 1, 2003 mapeja 10-11.

◼ Michiba, matambula, tebulu wanengela bulongo ne nsalu ya kwanshikapo, byafwainwa kuletelwa jimo ku mpunzha kukekela Kivuluko.

◼ Nzubo ya Bufumu nangwa kishimikwa kikwabo kyo mukapwilamo kyafwainwa kuwamishiwa bulongo saka kukiji kimye.

◼ Mwafwainwa kusajila jimo baasha ne bakupishamo bimpashañano ne kwibabujila jimo mingilo yabo ne bya kwiingila, kabiji ne buneme bwa mvwajilo ne mwekelo yawama.

◼ Mwafwainwa kutwajila bimpashañano mushingwa yense wakankalwa kutanwako na mambo a kubelabela nangwa na mambo a kukepelwa bulume bwa kwenda.

◼ Umvwe bipwilo kukila pa kimo bibena kwingijisha Nzubo ya Bufumu imo, byafwainwa kukwatankana bulongo pa kuba’mba kubule kwikala kwishindaika pa kibelo, mwa kupita, ne pa kwimikila myotoka.

◼ Umvwe mwaingijisha kishimikwa kikwabo, monai’mba biñambañamba bya kwambilamo bijitu bulongo kuba’mba bonse mu luonde bakakonshe kumvwa bikambanga ñambi.