Bya Kuvululako bya pa Kivuluko

Kivuluko kya uno mwaka kikekalako pa Mulungu, April 4. Bakulumpe mu kipwilo bafwainwa kuba bino bintu:

◼ Pa kusala kimye kya kupwila, monai’mba kechi mwapishamo bimpashañano juba saka jikyangye kuzhika ne.

◼ Bonse kuvwangako ne ñambi, bafwainwa kubulwa kimye ne mpunzha kukekela kivuluko.

◼ Shinkwa wabula mbizho ne waini byafwainwa kunengezhewa jimo.—Monai Kyamba kya Usopa kya March 1, 2003, mapeja 10, 11.

◼ Michiba, matambula, tebulu wanengela, ne nsalu ya kwanshikapo byafwainwa kuletelwa jimo mu kishimikwa.

◼ Nzubo ya Bufumu nangwa kishimikwa kikwabo kyo mukapwilamo, kyafwainwa kuwamishiwa bulongo saka kukiji kimye.

◼ Mwafwainwa kusajila jimo baasha ne ba kupishamo bimpashañano ne kwibabujila jimo mingilo yabo ne bya kwiingila, kabiji ne byo bafwainwa kuvwala ne kumwekana bulongo.

◼ Mwafwainwa kunengezha ne kutwajila mushingwa yense bimpashañano wakankalwa kutanwako na mambo a bulwazhi.

◼ Umvwe bipwilo kukila pa kimo bibena kwingijisha Nzubo ya Bufumu imo, byafwainwa kukwatankena pamo bulongo kwishila mpunzha pa kuba’mba kubule kwikala kwishindaika pa kibelo, mwakupichila, ne pa kwimikila myotoka.