Byakuvululako Byapa Kivuluko

Kivuluko kyauno mwaka kikekalako pa Kina, March 28. Bakulumpe mukipwilo bafwainwa kuba bino bintu:

◼ Pakusala kimye kyakupwila, monai kuba’mba kechi mwapishamo bimpashañano juba saka jikyangye kuzhikane.

◼ Bonse, kuvwangako neñambi, bafwainwa kubujilwa jimo kimye nempunzha kukekela kivuluko.

◼ Nengezhezhai jimo shinkwa wabula mbizho newaini.—Monai Kyamba kya Usopa kya Kibemba, February 15, 1985, peja 19.

◼ Michiba, makapu atambula, tebulu wanengela, nensalu yakwanshikapo byafwainwa kuletelwa jimo kumpunzha kukekela kivuluko.

◼ Nzubo ya Bufumu nangwa kishimikwa kikwabo kyomukapwilamo kyafwainwa kuwamishiwa bulongo saka kukiji kimye.

◼ Mwafwainwa kusajila jimo baasha nebakupishamo bimpashañano nekwibabujila jimo mingilo yabo nebya kwiingila, kabiji nebyobafwainwa kuvwala nekuzañuna bulongo.

◼ Mwafwainwa kutwajila bimpashañano mushingwa yense wakankalwa kutanwako mambo akukepelwa kwangovu yakwenda.

◼ Umvwe bipwilo kukila pakimo bibena kwingijisha Nzubo ya Bufumu imo, abyo bipwilo byafwainwa kukwatankana bulongo, pakuba’mba kubule kwishindaika pakibelo, mwakupita, nepakwimika myotoka.