Bya Kuvululako bya pa Kivuluko

Kivuluko kya uno mwaka kikekalako pa Mulungu, April 8. Bakulumpe mu kipwilo bafwainwa kutesha muchima pa bino bintu:

◼ Pa kusala kimye kya kupwila, monai kuba’mba kechi mukapishamo bimpashañano juba saka jikyangye kuzhika ne.

◼ Bonse, kuvwangako ne ñambi, bafwainwa kubujiwa kimye ne mpunzha kukekela kivuluko.

◼ Nengezhezhai jimo shinkwa wabula mbizho ne waini.—Monai Kyamba kya Usopa kya Kibemba, February 15, 1985, peja 19.

◼ Masanyi, makapu atambula, tebulu wanengela ne nsalu yakwanshikapo byafwainwa kuletelwa jimo bukiji-bukiji ku Nzubo ya Bufumu ne kwibinengezha.

◼ Nzubo ya Bufumu nangwa nzubo ikwabo yo mubena kwingijisha yafwainwa kuwamishiwa bulongo saka kukiji kimye.

◼ Mwafwainwa kusajila jimo Baasha ne bakupishamo bimpashañano ne kwibabujila jimo mingilo yabo ne bya kwiingila.

◼ Mwafwainwa kutwajila bimpashañano mushingwa yense wakankalwa kutanwako mambo a kukepelwa kwa ngovu ya kwenda.

◼ Umvwe bipwilo kukila pa kimo bibena kwingijisha Nzubo ya Bufumu imo, abyo bipwilo byafwainwa kukwatankana bulongo, pa kuba’mba kubule kwishindaika pa kibelo, mwakupita, ne pa kwimika myotoka.