Bya Kwamba pa Kusha Magazini

Kyamba kya Usopa October–December

“Atweba bavula tukankalwa kuyuka bya kwambila mulunda netu wakolwa. Musakwambapo’mba ka pa bino byambo? [Tangai Yakoba 1:19. Lekai akumbule.] Mu kino kibaba muji mashinda awama aimena pa mafunde a mu Baibolo akonsha kwitukwasha kuyuka mwakwambila. Mumweshai kibaba kyatendekela pa jipa 10.

Awake! October

“Bantu bamo bamona Lesa nobe kechi muntu ne, bamba’mba bulumetu. Bakwabo nabo bamumona’mba muntu uji na milanguluko. Nga anweba mumumona byepi? [Mulekai akumbule.] Akimonai bino byambo byaamba pe aye. [Tangai 1 Petelo 5:6, 7.] Kibaba kyatendekela pa jipa 29, kiji na mukumbu wa mu Baibolo ku bwipuzho bwa kuba’mba, Nanchi Lesa muntu wa kine nyi?”

Kyamba kya Usopa October–December

Tongolaipo kyamweka mu nyaunda yenu. Apa bino mwambe’mba: “Nanchi mwakilangulukapo kala kilengela bantu kuba bintu byatama nyi? [Lekai akumbule.] Baibolo witubula bintu bitulengela kwikala na luketekelo. [Tangai 2 Petelo 3:13.] Uno magazini walumbulula byaamba Baibolo pa kilengela bantu kuba bintu byatama ne kuba’mba katatakatu Lesa akapwishe bubi.”

Awake! November

“Bantu bamba’mba Lesa kafwako bamba pa bintu byatama bibena kubiwa mu jizhina ja Lesa ne kulanguluka’mba pano pa ntanda pakonsha kuwama kwakubula bupopweshi. Mwalangulukapo’mba ka? [Mulekai akumbule.] Akimonai ene mambo bupopweshi bwa bubela o bwalengela bantu kuyanda. [Tangai 2 Timoti 4:3, 4.] Ino magazini yamwesha milanguluko yatama iji na bantu bamba’mba Lesa kafwako.”