Bya Kwamba pa Kusha Magazini

Kyamba kya Usopa January–March

“Mwaya ntanda bantu bavula ba mu bupopweshi bwapusana pusana balomba. Nanchi kine mulanguluka’mba Lesa umvwa ne kukumbula milombelo nyi? [Lekai akumbule.] Baibolo witutundaika kulomba. [Tangai Filipai 4:6, 7.] Mu uno magazini muji mikumbu ya mu Baibolo ya mepuzho atanu na abiji epuzha bantu pa lulombelo.”

Awake! January

“Bamo bamba’mba lwitabilo mwi Lesa lwaimena pa bilangulukatu bantu. Nga anweba mulangulukapo’mba ka? [Lekai akumbule.] Kwesakana na byaamba Baibolo kwitabila mwi Lesa kechi kwaimenatu pa bilanguluka bantu ne. [Tangai 1 Yoano 4:1.] Kibaba kyatendekela pa jipa 28 kyalondolola bishinka paimena lwitabilo mwi Lesa.”

Kyamba kya Usopa January–March

“Nanchi ne anweba mwakonsha kuswa kuba’mba bansemi babula bena kwabo bwikalo bwibakatazha bingi kukila baji mu masongola nyi? [Lekai akumbule.] Baibolo witutundaika kulangulukilako bakajilwa. [Tangai Salamo 41:1.] Kibaba kyatendekela pa jipa 21 kyatongolapo mashinda motwakonsha kwibatela muchima bansemi babula bena kwabo.”

Awake! February

“Bantu bavula batendeka kutemwa bya bulozhi ne kulambila bafu. Nanchi kijitu bulongo kwivwanga mu bya bulozhi nyi? [Lekai akumbule.] Akyumvwai Lesa byo ajimwineko bena Isalela. [Tangai Mpitulukilo ya mu mizhilo 18:10-12.] Uno magazini wamwesha Baibolo byo aamba pa bulozhi.”