Mashinda a Kwisambilamo

Kutatula Mafunjisho a Baibolo pa Kibelushi Kitanshi mu March

“Mu ano moba akatazha, atweba bonse tupita mu makatazho alengela bisemi kwikala na bijikila. Mwalanguluka amba kwepi ko twakonsha kutana lutangijilo lwakonsha kwitukwasha kulengela kisemi kyetu kwikala kya lusekelo?” Lekai akumbule. Apa bino mupe mwina nzubo Kyamba kya Usopa kya January–March ne kwisambila pamo byambo biji munshi ya kamutwe kamo pa mitwe iji pa mapa 16 ne 17 kabiji mutangepo ne kinembelo kimo pa byo bamwesha. Mushilai magazini ne kumubula kimye kyo mukabwelako na kwisamba bwipuzho bukwabo.

Kyamba kya Usopa January–March

“Bamo balanguluka amba bintu byaamba Baibolo pa mambo a kwilaala byapwa nkito kabiji kechi byanema ne. Bakwabo baswa byaamba Baibolo. Nga anweba mulangulukapo amba ka? [Lekai akumbule.] Akimonai kino kinembelo byo kyaamba pa mambo a nsulo ya mizhilo ya mu Baibolo. [Tangai 2 Timoti 3:16.] Uno magazini walumbulula Baibolo byo akumbula mepuzho jikumi epuzha bantu javula pa mambo a kwilaala. Kabiji walumbulula ne mizhilo ya mu Baibolo byo itukwasha.”

Awake! March

“Tubena kwisamba na balunda netu pa kintu kyakatazha bantu bavula lelo jino. Bantu lelo jino bazhingila bukiji. Mwalanguluka’mba kika kibena kulengela? [Lekai akumbule] Akiumvwai Baibolo byoamba pa mambo a kuzhingila. [Tangai Sala. 37:8.] Uno magazini waamba pakilengela bantu kuzhingila bukiji lelo jino kabiji ne mashinda akonsha kwitukwasha kubula kuzhingila bukiji.”