Vidyo wakuba’mba Jehovah’s Witnesses—Faith in Action, Part 1: Out of Darkness
Mu Baibolo, kyeya bekyesakanya ku bukine, mfishi ku bubela. (Sala. 43:3; Isa. 5:20) Satana ye watendekele bubela kimye kyo ajimbaikile Evwa, kabiji mukuya kwa kimye mfishi yakumbene pano pa ntanda ponse. (Lum. 12:9) Vidyo wa kuba’mba Jehovah’s Witnesses—Faith in Action Part 1: Out of Darkness wamwesha Kyeya kya ku mupashi byo kyatendekele kusama pano pa ntanda kufuma mu mfishi. (Isa. 60:1, 2) Panyuma ya kutamba uno Vidyo, nanchi mwakonsha kukumbula ano mepuzho nyi?
(1) Mfishi ya ku mupashi yatendekele byepi panyuma ya kufwa batumwa? (2) Kutendeka mu myaka ya mu ma 1100, kika kyakwashishe bantu kuyuka kuba’mba machechi kechi afunjishenga bukine ne? (3) Ba Grew ne ba George Storrs bajinga bañanyi? (4) Ñanyi bintu byaubiwe mu bwikalo bwa ba Charles Russell? (5) Mulongo Russell, bashanji ne bakwabo bacheche bafundanga byepi Baibolo, kabiji bintuka byafuminemo? (6) Jibumba ja Bafunda Baibolo javwangakene byepi na jibumba ja kwa Nelson Barbour kabiji kika kyalengejile kwabenamo na mulongo Russell? (7) Kika kyamwekele mu July 1879 kyalengejile kyeya kya ku mupashi kutendeka kusama? (8) Panyuma ya kikye kyamwekele, jibumba ja bafunda Baibolo ja ubile byepi pakuba mba jisampanye mambo awama? (9) Mwaka wa 1914 saka akyangye kufika, ñanyi kintu Kyapembelejilenga jibumba ja bafunda Baibolo kumweka? (10) Makatazho ka jibumba jifunda Baibolo o bapichilemo panyuma ya kufwa mulongo Russell? (11) Bafunda Baibolo baubile byepi panyuma yakuba mulongo Rutherford ne bakwabo bebakasulula mu kaleya? (12) Kutamba uno vidyo kwakosesha byepi bulunda bwenu ne Lesa ne kuyuka jibumba ja Yehoba? (13) Uno Vidyo wimukwasha byepi kwikala na mukoyo wa kusapwila nangwa kyakuba mubena kupita mu makatazho? (14) Twakonsha kwingijisha byepi uno Vidyo kukwasha balongo betu, botufunjisha Baibolo, ne bakwabotu?
Byo kyaikalapo kyakumwenako kyawama kya ku mupashi kitushijile bafunda Baibolo! Mu kino kyalo muji mfishi ya ku mupashi, bachinchikile ne kwikala na mukoyo wakusamisha kyeya. Twayai tutwajijile kulondela kyakumwenako kyabo ne ‘kwenda nobe baana ba kyeya.’—Efi. 5:8.