Vidyo wakuba’mba Jehovah’s Witnesses—Faith in Action, Part 2: Let the Light Shine
Panyuma yakuba mulongo Rutherford ne bakwabo bebakasulula mu kaleya mu 1919, Bafunda Baibolo baishile kwikala na mwingilo mukatampe bingi. Byonka byo mwamona mu uno Vidyo wakuba’mba Jehovah’s Witnesses—Faith in Action, Part 2: Let the Light Shine, Bafunda Baibolo bajinga na balwanyi bavula bino bailenga na kuyukilako Binembelo kabiji lwitabilo lwabo lwayilenga na kukoselako. (Mana 4:18; Mala. 3:1-3; Yoa. 15:20) Panyuma ya kutamba uno Vidyo, nanchi mwakonsha kukumbula ano mepuzho nyi?
(1) Mashinda ka Bafunda Baibolo o baingijishe pakuba’mba basampanye mambo awama? (2) Bintu ka byanema byaubiwe pa kushonkena kwa nkambi kwajingako mu 1931 ne 1935? (3) Bintu ka byanema byo bafunjile mu Kyamba kya Usopa kya November 1, 1939? (4) Ambai kintu kyamwekanyikile mu Madison Square Garden kimye mulongo Rutherford kyo aambile jashi jajinga na mutwe wa kuba’mba “Government and Peace” (Kafulumende ne Mutende). (5) Kintu ka kyanemene mu jashi ja ambile Mulongo Knorr jajinga na mutwe wakuba’mba “Peace—Can It Last?” (Nanchi Mutende Wakonsha Kutwajijila Nyi?) (6) Mu 1942, Bakamonyi bakwa Yehoba balangulukilepo kuba byepi pakuba’mba babaisheko mwingilo wa kusapwila? (7) Londololai makatazho amo o bapichilemo mu United States, Canada ne Greece. (8) Sukulu wa Gileada walengejile byepi mwingilo wa kusapwila kuya peulu? (9) Mwingilo ka wanema watendekele mu 1946 kabiji mambo ka? (10) Bintu ka byaubile Bakamonyi ba kwa Yehoba pakuba’mba byubilo byabo bikele monka mwayila byamba Baibolo? (11) Ambaipo lupimpu lwaubiwe mu myaka ya mu ma 1970 pakuba’mba jibumba ja Lesa jilondelenga biji mu Baibolo. (12) Kutamba uno vidyo kwimukwasha byepi kuyuka mba Yehoba ye ubena kutangijila kabiji ye mwina jibumba? (13) Uno Vidyo wimukwasha byepi kwikala na mukoyo wa kusapwila nangwa kyakuba mubena kupita mu makatazho? (14) Twakonsha kwingijisha byepi uno Vidyo kukwasha balongo betu, botufunjisha Baibolo ne bakwabotu?
Pa juba pa juba kunungwa mashimikila akatataka aamba pa Bakamonyi ba kwa Yehoba byo bengila. Sawakya umwesha byepi byo twibikishako kwingila mu mwingilo? Byonkatu balongo betu byo baingijilenga kunyuma, twayai tutwajijile ‘kusamisha kyeya mu mfishi’!—2 Ko. 4:6.