Bintu Jikumi na Bibiji Bilengela Kusapwila

Mambo ka o tusapwila ku nzubo ku nzubo ne kufunjisha bantu Baibolo? Nanchi kukwashatu bantu bakishinka kwenda mu jishinda jaya ku bumi nyi? (Mat. 7:14) Kino kyo kintu kitanshi kyatongolwa panshi po. Nangwa byonkabyo kino kechi kyo kine kintu ne. Pa bino bintu 12 byaamba pa mwingilo wa kusapwila, kyepi kimo kyo mwamona amba kyanema kukila bikwabo?

1. Mwingilo wa kusapwila ulengela bantu kukekala na bumi bwa myaka ne myaka.—Yoa. 17:3.

2. Uno mwingilo ujimuna bangubabibi.—Ezi. 3:18, 19.

3. Ufikizha bungauzhi bwa mu Baibolo.—Mat. 24:14.

4. Uno mwingilo umwesha bololoke bwa Lesa. Kafwako wakonsha kwamba’mba Yehoba waonawine bangubabibi kwakubula kwibapa kimye kya kulapila.—Byu. 17:30, 31; 1 Timo. 2:3, 4.

5. Witulengela kubwezha kikoloto kyo tuji nakyo kya kukwasha bantu bapotelwe na mashi a Yesu.—Loma 1:14, 15.

6. Witubingisha ku mambo a mashi.—Byu. 20:26, 27.

7. Pa uno mwingilo po paimena Lupulukilo lwetu.—Ezi. 3:19; Loma 10:9, 10.

8. Uno mwingilo umwesha amba twatemwa bakwetu.—Mat. 22:39.

9. Umwesha amba tukokela Yehoba ne Mwananji.—Mat. 28:19, 20.

10. Ke jishinda jimo jo tupopwelamo Lesa.—Hebe. 13:15.

11. Umwesha amba Lesa twa mutemwa.—1 Yoa. 5:3.

12. Uzhijika jizhina ja Yehoba.—Isa. 43:10-12; Mat. 6:9.

Abino kechi byo byonkatu bilengela amba tusapwilenga ne. Kusapwila kukosesha ne lwitabilo lwetu ne kwitulengela kwikala bamwingilo umo ne Lesa. (1 Ko. 3:9) Bino kine kintu kilengela kusapwila ke kya bujikumi na bubiji. Nangwa bantu betuteleke nangwa bakane, uno mwingilo uzhijika jizhina ja Lesa ne kulengela Yehoba kukumbula awa umwendeleka. (Mana. 27:11) Abino ke bintu byawama bitulengela kutwajijila ‘kufunjisha ne kusapwila mambo awama kwa kubula kuleka.’—Byu. 5:42.