Mashinda a Kwisambilamo

Kutatula Mafunjisho a Baibolo pa Kibelushi Kitanshi mu July

“Bantu bavula bakeba bingi kwikala bulongo ne kwikala myaka yavula. Nanchi mulangulukapo amba bya sayansi ne michi byakonsha kwitulengela kwikala myaka ne myaka nyi? [Lekai akumbule.] Monai byo baamba papo.” Mumweshai Kyamba kya Usopa kya July 1 ne kuya pa jipa japelako. Isambai nanji pa kamutwe katanshi ne kutangapo kinembelo kimo pa byo bamwesha. Mupai Kyamba kya Usopa ne kumulaya kimye kyo mukabwela na kwisamba bwipuzho bwalondelapo.

Yukai’mba: Byo mukasambakananga pa kuya mu mwingilo pa 6 July mukobe kimwesho kwingijisha jishinda jiji peulu.

Kyamba kya Usopa July 1

“Bantu bavula bo twisamba nabo baji na bupopweshi bwabo. Bino bamo kechi baketekela mu bya bupopweshi ne. Nga anweba mulangulukapo amba ka? [Lekai akumbule.] Yesu waambile pa bishinka byakonsha kwitukwasha kuyuka bupopweshi bwa kine. [Tangai Luka 6:44.] Kino Kyamba kya Usopa kyaamba pa bintu byatama byo boba mu bupopweshi bwa bubela. Kabiji kya kumbula ne bwipuzho bwa kuba’mba, Nanchi kujipo bupopweshi bo twakonsha kuketekela nyi?”

Labainga! May–June

“Nanchi kyapela kukomesha baana ano moba nyi? [Lekai akumbule.] Bansemi bavula bengijisha mafunde a mu Baibolo pa kufunjisha baana babo. Kino kyepelo kyakwasha bansemi babalume bavula kuyuka bya kuba pa kufunjisha baana babo. [Tangai Kolose 3:21.] Kino kibaba kyamba pa mashinda 5 akonsha kukwasha bansemi babalume.”

Mambo Awama Afuma Kwi Lesa!

“Tubena kwisamba na bisemi pa mutwe umo wa mu Baibolo. Bantu bavula bo twisamba nabo bakumya bingi ene mambo Lesa wa butemwe kyo aswishisha buyanji pano pa ntanda. Nanchi mulanguluka amba Lesa byo byo akebelenga pano pa ntanda kwikala nyi?” Lekai akumbule. Zhikulai pa lufunjisho 5 ne kwisamba mafuka abiji, apa bino mutange ne kinembelo kimo kyo bamwesha amba tangai. Mupai buloshuwa ne kwisamba nanji kimye kyo mukabwelako na kwisamba bwipuzho bwalondelapo.