Mashinda

A Kutendekelamo Mafunjisho a Baibolo pa Kibelushi Kitanshi mu July

Pa myaka yavula, bantu bamulumbulula Yesu mu mashinda apusana pusana. Nanchi mwalanguluka’mba kyanema kuyuka bulongo Yesu byo aji nyi? [Lekai akumbule.] Kino kibaba kyalumbulula kwiya kwa Yesu Kilishitu na kwitufwila o kumweshesha butemwe bukatampe bwa Lesa bo atemwa bantu.” Tangai Yoano 3:16. Apa bino mupe mwina nzubo Kyamba kya Usopa kya April-June. Panyuma ya kumupa, tangai ne kwisamba nanji byambo biji mu kamutwe katanshi pa jipa 24. Mushilai magazini ne kumubula’mba mukabwelako na kukumbula bwipuzho bwalondelapo.

Kyamba kya Usopa April–June

Pa kwisamba na muntu uji mu masongola, mwakonsha kwamba’mba, “Mwalanguluka’mba bamulume ne mukazhi bafwainwa kuba byepi pa kuba’mba batwajijile kwikala balusekelo mu masongola abo. [Lekai akumbule.] Akimonai Baibolo byo aambishapo pa ene mambo bantu baji mu masongola o bafwainwa kubila bintu byo bebatongwela pa muntu pa muntu. [Tangai Loma 14:12] Uno magazini waamba pa makatazho atanu na lumo apitamo banabalume ne banabakazhi ne mafunde a mu Baibolo byo akonsha kukwasha baji mu masongola.”

Awake! July

Ambaipo bintu byatama byo mwaumvwa pa mwela nangwa mu pepala wa byambo. Apa bino mwambe’mba: “Mambo ka o mwalangulukila’mba Lesa uswisha bintu byatama kubiwa? [Lekai akumbule.] Kwesakana na byaamba Baibolo, Lesa umvwina lusa boba babena kuyanda. [Tangai Kulupuka 3:7.] Kabiji Baibolo witubula ne ene mambo Lesa o aswishisha makatazho kabiji amba katatakatu akeapwishe kikupu. Uno magazini walondolola Lesa byo akapwisha makatazho.”