Mashinda a Kwisambilamo

Kutendeka Mafunjisho a Baibolo pa Kibelushi Kitanshi mu July

“Abya mulanguluka amba Lesa umona byepi milombelo yetu? Nanchi Mulanguluka amba umvwa milombelo yetu nyi, inyi kechi utako maana ne?” Lekai bakumbule. Bamweshai jipa japelako ja Kyamba kya Usopa kya July 1. Isambai nabo byambo biji panshi ya bwipuzho butanshi ne kutanga nabo kinembelo kimo pa binembelo byo bamwesha. Panyuma ya kuba bino, bapai magazini, ne kumvwañana nabo byo mwakonsha kubwelako pa kuba’mba mukesambe bwipuzho bwalondelapo.

Kyamba kya Usopa July 1

“Byo kiji kuba’mba Lesa wa bulume bonse, nanchi mulanguluka’mba ye ulengela bintu byatama bimweka pano pa ntanda nyi? [Lekai bakumbule. Tangai Yakoba 1:13.] Uno magazini walumbulula ene mambo o kwaikela bya malwa ne Lesa byo akoba pa kupwisha bubi ne buyanji.”

Labainga! July-August

“Tubena kufwakasha na kwisamba pa lukatazho lumo lubena kupitamo bantu bavula bingi. Bantu bamo balanguluka pa kwiipaya na mambo a kupopomenwa bingi na makatazho mu bwikalo. Inge muntu wafika pa kipimo kya kukeba kwiipaya, abya nanchi mwalanguluka’mba kine ukeba kufwa nyi, inyi ukebatu kupwisha buyanji bo abena kupitamo? [Lekai bakumbule.] Monai mulaye wa mu Baibolo wakwasha bantu bavula kubula kulanguluka pa kwiipaya. [Tangai Lumwekesho 21:3, 4.] Uno magazini waambapo bishinka bisatu byakonsha kukwasha muntu kutwajijila na bumi nangwa kya kuba ubena kupita mu makatazho.”