Ingijishainga Bulongo Magazini a Kala

Mambo a kuba kafwako wakonsha kumwenamo mu magazini a kala inge twiatulatu nangwa twiataya, twafwainwa kwibikako kwiapana mu busapwishi. Magazini umo wakonsha kulengela muntu kwikala na kilaka kya kukeba kufunda bukine ne kumulengela kwita pa jizhina ja Yehoba. (Loma 10:13, 14) Byambo byalondelapo byakonsha kwitukwasha kuyuka bya kwingijisha magazini a kala.

• Kimye kyo mubena kusapwila mu nyaunda mo mubula kwingijila javula, mwakonsha kusha magazini umo wa kala pa nzubo po mwabula kutana bantu.

• Pa kusapwila mu mapunzha mutanwa bantu bavula, nabiji pa biteshenyi bya masakya ne bya shitima, ipuzhai bantu inge bakeba kutanga magazini ne kwibamwesha magazini apusana pusana apa bino mwibaleka basalapo.

• Inge mwaya na kupempula mu bipatela bikatampe ne bicheche, nangwa ku mapunzhatu akwabo kutanwa bantu bavula aji mu nyaunda ya kipwilo kyenu, mwafwainwa kusha magazini a kala mu kibamba mwikala bantu na kupembelela. Patanshi mwafwainwa kutambula luusa ku batala pa kyokyo kishimikwa saka mukyangye kubikamo magazini. Inge mwamona’mba kuji babikamo kala magazini, kubikamo akwabo ne.

• Pa kunengezha kubwela ku muntu ye mwisambile nanji, langulukai pa bintu byo atemwa. Nanchi uji na kisemi nyi? Watemwa kufwakasha nyi? Watemwa bya bunjimi nyi? Pesa pesai mu magazini a kala pa kuba’mba mumonemo mitwe yo akatemwa kutanga ne kuya na kumumweshayo inge mwabwelako.

• Inge kya kuba mwaeseka bimye byavula kubwela ku muntu ye mwisambile nanji pano kechi mwamutanangapo ne, pano ajo juba mwamutana, mumweshai magazini amo a kala o mwabujile kumupa.