Mashinda a Kwisambilamo

Kutatula Mafunjisho a Baibolo pa Kibelushi Kitanshi mu November

“Akimonai buno bwipuzho. [Tangai bwipuzho butanshi buji kunyuma ya Kyamba kya Usopa kya November 1.] Mwalangulukapo amba ka? [Tangai mafuka abiji aji panshi ya bwipuzho ne kinembelo kimo pa byo bamwesha.] Ñanyi juba jo nafwainwa kwiya pa kuba’mba tukesambe pa ene mambo Yesu o asangwijile bano bantu ne byo twafwainwa kumwenamo?”

Kyamba kya Usopa November 1

“Nanchi mukumya pa bintu byatama bibena kumweka mu ntanda nyi? [Lekai akumbule.] Lumwekesho 12:9 wakumbula buno bwipuzho. [Tangai.] Nangwa byonkabyo, kyepelo 12 kitutundaika amba katatakatu Satana bakamufumyepo. [Tangai Lumwekesho 12:12.] Kino kibaaba kiji na mutwe wa kuba’mba ‘Nanchi Twafwainwa Kuchiina Satana Nyi?’ kitubula byo twafwainwa kwizhikijila kwi aye pa kino kimye ne ku bikamumwekela kulutwe. Tambulai.”

Labainga! November

“Bantu bonse bakeba kwikala na lusekelo, bino bavula kechi baji na lusekelo ne. Mwalanguluka amba ki ka kilengela kwikala na lusekelo? [Lekai akumbule.] Bantu bavula batana kuba’mba Baibolo ukwasha kwikala ba lusekelo. Kya kumwenako, monai jino jifunde ja mu Baibolo. [Tangai Bahebelu 13:5.] Uno magazini waamba pa bishinka bina bya mu Baibolo bilengela kwikala na lusekelo.”