Mukwekele wa Kwita Bantu ku Kushonkena

Pa mwaka pa mwaka, tutengela kijiilo kya ku mupashi kyo twikala nakyo pa kushonkena kwa kijiiji. Tuketako bakwetu kwiya na kushonkena ne atweba pa kuba’mba nabo bakatompe buwame bwa Yehoba. (Sl 34:8) Mabumba a bakulumpe mu bipwilo bakamona jishinda jawama ja kusampenyamo tupepala twa kwichilapo bantu.

BINTU BYO MWAFWAINWA KULANGULUKANGAPO

• Kushonkena kwetu kukekalako kimye ka?

• Mukwekele ukatendeka kimye ka?

• Juba ka jo kukekalanga kusambakana kwa kuya mu mwingilo?

• Ñanyi bikonkwanyi byo nebikila mu uno mukwekele?

• Bañanyi bo nketako?

BYA KWAMBA

Pa kupwisha kwiimuna, mwakonsha kwamba’mba:

“Tubena kwingilako mukwekele wa ntanda yonse wa kwita bantu ku kupwila kwanema bingi. Juba, kimye ne keyala bebinemba pa kano kapepala. Tukomvwa bingi bulongo inge mukeye.”

ABYA MWAKONSHA KUBWELA KU BANTU BAMWESHESHE LUSEKELO NYI?

Nangwa kya kuba tukeba kwita bantu bavula ku kushonkena, twafwainwa kuta muchima ku bamwesha lusekelo.

Ku mpelo ya mulungu, twafwainwa kupa bantu magazini pamo na kapepala ka kwibechilapo ku kushonkena.