Yehoba Kechi Ukalubako Balajika Michima Ne

Davida ye wanembele Salamo 51 kimye ngauzhi Natana kyo amuvulwilemo mambo o alengele na Batesheba. Jiwi ja mu muchima jamukatezhe bingi, akino kyamulengejile kulapila.—2Sa 12:1-14.

Davida walengele mambo, pano bino waikele jibiji na bulunda bwawama ne Yehoba

51:3, 4, 8-12, 17

• Saka akyangye kusolola mambo anji ne kulapila, jiwi janji ja mu muchima jamuzhachishenga

• Davida kyamukolele ku muchima byo bamukaine kwi Lesa, kabiji waumvwine nobe bikupa byanji byalajika

• Walombele kwi Lesa kumulekelako mambo, kubwezha bulunda bwanji ne Lesa ne kwiyowa bintu byawama byo eyowelenga kimye kitanshi saka akyangye kulenga mambo

• Walombele Yehoba amba amukwashe kwikala na muchima wa lukookelo

• Wayukile’mba Yehoba ukamulekelako mambo