“Amiwa Bano! Ntumai!”

Twafwainwa kulondela muchima wa kwipana wajingapo ne Isaya. Wajinga na lwitabilo kabiji waswile kuya na kwingila mwingilo kwa kubula kuzhinyazhinya nangwa kya kuba kechi wayukile byavwangilwemo ne. (Is 6:8) Nanchi mwakonsha kupimpulako bwikalo bwenu pa kuba’mba mukaye na kwingijila kwakeepa basapwishi ba Bufumu nyi? (Sl 110:3) Pano bino, mwafwainwa ‘kubala mali o mukengijisha’ pa kuya. (Luk 14:27, 28) Nangwa byonkabyo, mwafwainwa kusankilapo bintu bimo pa kuba’mba mwingileko mwingilo wa kusapwila. (Mat 8:20; Mak 10:28-30) Byonka byo twaji kumona mu vidyo wa kuba’mba Kuya na Kwingijila Kuji Kukajilwa Kukatampe, mapesho o tutambwila mu mwingilo wa Yehoba akila bintu byonse.

INGE MWAPWISHA KUTAMBA VIDYO, KUMBULAI ANO MEPUZHO:

• Kisemi kya ba Williams kyapimpwile byepi bwikalo pa kuba’mba baye na kwingijila mu Ecuador?

• Ñanyi bintu byo balangulukilepo byo basajilenga kwa kuya na kwingijila?

• Mapesho ka afuminemo?

• Kwepi ko mwakonsha kutaana bishinka bikwabo byaamba pa kuya na kwingijila kuji kukajilwa kukatampe?

PA KUPOPWELA KWENU KWA KISEMI KUKALONDELAPO, MUKESAMBE PA ANO MEPUZHO:

• Twakonsha kwingilako byepi pakatampe mu mwingilo pamo na kisemi? (km 8/11 4-6)

• Inge kechi twakonsha kuya na kwingijila kuji kukajilwa kukatampe ne, mu ñanyi mashinda mo twakonsha kukwashishamo kipwilo kyetu? (w16.03 23-25)