Batambwilainga na Lusekelo

Bañanyi bo twafwainwa kutambwila na lusekelo? Bonse beya ku kupwila kwetu kwa bena Kilishitu, ba katataka ne balunda netu ba kala. (Lo 15:7; Heb 13:2) Wakonsha kwikala mwina Kilishitu mukwetu wafuma ku kyalo kingi nangwa wakooka walekele kupwila kala. Mwakonsha kumvwa bingi bulongo inge bemutambwila mu jino jishinda. Nanchi kechi mwakonsha kumvwa bulongo inge bemwimuna na lusekelo nenyi? (Mat 7:12) Nanchi ne anweba kechi mwakonsha kwibikako kwimuna bantu saka mukyangye kutendeka kupwila ne pa kupwisha nenyi? Kuba bino kulengela bonse kwisangalela ne kutumbijika Yehoba. (Mat 5:16) Ibyo kuba’mba kechi mwakonsha kwisamba na bonse baiya ku kupwila ne. Pano bino, inge ke twibikeko kuba bino, bonse bakakasuluka bingi.a

Twafwainwa kutambwilanga benyi kimye kyonse, kechi kimye kya Kivulukotu ne. Inge baiya ku kupwila kwetu kimye kitanshi kabiji bemwena bena Kilishitu byo betemwa, kyakonsha kwibalengela kutota Lesa ne kwiya mu bupopweshi bwa kine.—Yoa 13:35.