Imbainga Nyimbo ya Kutota Yehoba na Lusekelo

Paulo ne Silasa baimbilenga nyimbo ya kutota Yehoba byo bajinga mu kaleya. (By 16:25) Kwakubula nangwa kuzhinaukatu ne, kwimba kwibalengejile kuchinchika. Nga atweba lelo jino kiji byepi? Nyimbo yo twimba pa kupwila ne nyimbo ikwabotu ya Bufumu itutundaika kutwajijila kwikala bakishinka inge babena kwitumanyika. Kyakilapo kunema, tutota Yehoba na ino nyimbo. (Sl 28:7) Betutundaika kuba’mba twafwainwa kulabijilapo nyimbo imo. Nanchi mwakyesekapo kala kuba bino nyi? Pa kupopwela kwa kisemi, twakonsha kufunda nyimbo ne kulabijila byambo bijimo.

TAMBAI VIDYO WA KUBA’MBA BANYIKE BATOTA YEHOBA NA NYIMBO, APA BINO MUKUMBULE ANO MEPUZHO ALONDELAPO:

• 

  Mambo ka kwimba nyimbo ya Bufumu o kwawamina?

• 

  Dipatimenti itala pa Mavidyo ifyatula byepi nyimbo?

• 

  Bansemi bakwasha byepi baana babo kwinengezha saka bakyangye kuya na kwibakopa mawi?

• 

  Ñanyi nyimbo ya Bufumu yo mwatemwa bingi, kabiji mambo ka?