Bya Kuba pa Kufunda

Labijilainga Nyimbo Yetu

“Umvwe pa moba amo napopomenwa, Yehoba untekenesha na nyimbo iji pa Mutanchi wa JW Broadcasting.”​—Lorraine, U.S.A.

Kufumatu ne kala, bena Kilishitu bemba nyimbo ya kutota Lesa. (Kolo. 3:16) Umvwe mwayuka ino nyimbo, mukembanga nangwa kya kuba mufwaye buku wa lwimbo nangwa kiñambañamba. Esekai kuba byalondelapo pa kuba’mba mulabijilepo nyimbo imo.

• Tangai byambo pa kuba’mba muyuke byo bibena kulumbulula. Javula inge twaumvwisha bibena kulumbulula kintu, kitupelela bingi kwikivuluka. Byambo biji mu nyimbo yetu yonse kuvwangakotu ne nyimbo yetu ikwabo ne nyimbo ya baana iji pa jw.org. Pa kuba’mba mwiitaane, yai po banemba’mba Mabuku, kepo muchinte pa Nyimbo.

• Nembai byambo bya lwimbo pa pepala. Kuba bino kukemukwasha bingi kuvuluka lwimbo.​—Mpitu. 17:18.

• Pitulukaimo na jiwi ja peulu. Tangai nangwa kwimba lwimbo bimye byavula.

• Esekai kuvuluka lwimbo. Imbai lwimbo ye mwanemba kwakubula kutala pa byo mwanemba, kepo mumone umvwe mwamulabijila lwimbo.