Nanchi Mwinengezha Kwimbila Yehoba ku Kupwila Nyi?

¹ Kunengezha kupwila kwavwangamo ne kunengezha bya kwimba nyimbo ya kutota Lesa. Akimonai ano mashinda alondelapo.

² Umvwishai Byambo Biji mu Lwimbo: Kinembelo paimena lwimbo ne binembelo bikwabo byanembwa panshi ya lwimbo bya kwitukwasha kumvwisha paimena lwimbo mu Binembelo.

³ Fundai bya Kwimba: Mu kimye kya Kupopwela kwa Kisemi mwakonsha kwikalako na kimye kya kufunjilamo nyimbo ya katataka. Londelainga kijimba pa kwimba kimye kyo mubena kunengezha nyimbo ya kwimba ku kupwila. Mwakonsha kufunda bya kwimba ne byambo biji mu nyimbo ya katataka umvwe ke muteleke ku nyimbo ya pa selechi wa Mwimbilai Yehoba—Nyimbo ya Mawi, Selechi 1.

⁴ Nanchi mwinengezha kwimba nyimbo ya mu buku wa Mwimbilai Yehoba nyi? Mukakonsha kwimba umvwe mwaumvwisha byambo bijimo ne kutapo muchima kwiifunda.