Twajijilai Kutengela Saka Mwachinchika

Myaka inga yo mwatengela Bufumu bwa Lesa? Nanchi mwatwajijila kuchinchika nangwa kya kuba mubena kupita mu makatazho nyi? (Lo 8:25) Na mambo a kwibashikwa, bena Kilishitu bamo bebamanyika, kwibakasa mu tuleya nangwa kupingila kwibepaya. Bakwabo nabo bapita mu makatazho nabiji kukolwa nangwa bukote.

Ñanyi kintu kiketukwasha kutengela Bufumu na muchima yense inge tubena kupita mu meseko? Twafwainwa kukoseshanga lwitabilo lwetu kupichila mu kutanga Baibolo kimye kyonse ne kulanguluka langulukapo. Twafwainwa kuta muchima pa luketekelo lwetu. (2Ko 4:16-18; Heb 12:2) Twafwainwa kusashijila Yehoba mu lulombelo kwitupa mupashi wanji wazhila. (Luk 11:10, 13; Heb 5:7) Shetu wa butemwe uketukwasha ‘kuchinchika saka twatekanya mu bintu byonse ne kwikala na lusekelo.’—Kol 1:11.

TAMBAI VIDYO WA KUBA’MBA “TUNYEMENGA ‘KAPELA NA KUCHINCHIKA’—SHIINWAI KUBA’MBA MUKATAMBULA KILAMBU,” APA BINO MUKUMBULE ANO MEPUZHO:

• 

  Ñanyi “bintu bya kubula kuketekela” byakonsha kumweka mu bwikalo? (Mus 9:11)

• 

  Lulombelo lwitukwasha byepi inge tubena kupita mu meseko?

• 

  Inge kechi twingila mu mwingilo wa Yehoba byonka byo twaingilanga kala ne, mambo ka o twafwainwa kutelatu muchima pa byo twingila luno?

• 

  Ñanyi bintu bimulengela kushiinwa’mba mukatambula mfweto?