Kuwamishako Busendwe Bwetu bwa Kusapwila—Bya Kunemba Makalata Bulongo

ENE MAMBO O KWANEMENA: Buku wa 1 Kolinda uji pa makalata 14 mutumwa Paulo o anembejile bena Kilishitu bakwabo pa kuba’mba ebatundaike. Pa kunemba nkalata, muntu ulanguluka pa byambo byo asakunemba mu nkalata kabiji muntu ye atumina wakonsha kwiitanga bimye byavula. Kusapwila kwingijisha makalata kwakonsha kwitukwasha kusapwila balongo betu ne balunda netu. Kabiji makalata akonsha kwitukwasha kusapwila ne bantu bo tubula kutaana pa mazubo. Bantu bamo batako bingi muchima inge twibasapwila, pano bino, kikatazha kwibataana pa mazubo. Kimye kimo tukankalwa kusapwila bantu bamo mu nyaunda yetu mambo bekala mu bishimikwa mo bakanya kutwela nangwa ku mapunzha a kwalepa bingi. Ñanyi bintu byo mwafwainwa kuvulukanga pa kunembela nkalata muntu ye mwabula kuyuka?

BYA KUBA:

• 

  Nembai byambo byo mwakonsha kwamba inge muji na yewo muntu. Ilumbululai ku ntendekelo ya nkalata ne kulumbulula ene mambo o mwanembela yoyo nkalata. Kabiji mwakonsha ne kwipuzha bwipuzho bwa kulangulukapo uno muntu ne kumutundaika kuya pa keyala wetu wa intaneti. Apa bino mwamubuula kipungu kya kuba’mba Kufunda Baibolo pa Intaneti nangwa Mutanchi wa Kufunjisha Baibolo, nangwa kutongolapo mutwe umo uji mu mabuku o tufunjishamo bantu Baibolo. Kabiji mu nkalata mwakonsha kubikamo kakikachi ka keyala wetu wa intaneti, kapepala ka lwito nangwa talakiti.

• Nembaitu byambo bicheche. Nkalata kechi yafwainwa kulepesha ne, mambo yakonsha kulengela muntu kumvwa mukose kwiitanga.—Monai byo mwafwainwa kunemba nkalata

• Pitulukaimo pa kuba’mba muwamishe mo mwalubankanya. Monai kuba’mba mwaingijisha byambo byapeela kumvwa pa kuba’mba ikapeelele yewo muntu kutanga. Inembai mu jishinda jikamwesha kifyele ne kumuta muchima. Kabiji lamikai pa enivulupu mashitampa onse.