BYA BUNEME BIJI MU MAMBO A LESA | KULUPUKA 10-11
Mosesa ne Alona Kechi Bajinga na Moyo Ne
Mosesa ne Alona kechi bajinga na moyo byo besambilenga ne Felo, muntu ye bachiinanga bingi mwaya ntanda yonse pa kyokya kimye ne. Ñanyi kintu kibakwashishe kubula kwikala na moyo? Baibolo waamba pe Mosesa amba: “Lwitabilo lo lwamulengejile kufuma mu kyalo kya Ijipita, bino kechi wachiine bukaji bwa mfumu ne, mambo watwajijile kuchinchika nobe ubena kumona yewa ubula kumweka.” (Heb 11:27) Mosesa ne Alona bajinga na lwitabilo lwakosa mwi Yehoba kabiji baketekejiletu mwi aye.
Ñanyi bimye byo mwakonsha kwambilamo kwa kubula moyo pa bintu byo mwaitabilamo ku bantu baji pa bifulo bikatampe?