Nanchi Mwakonsha Kupana Kimye ne Bulume Bwenu Nyi?

Byonka byaambijile jimo Isaya, mu ano moba tubena kwimwena bantu bavula byo babena kwiya mu jibumba ja Yehoba. (Isa 54:2) Na mambo a kino, kubena kukebewa kushimika Mazubo a Bufumu, Mazubo a Kubuñenamo ne bishimikwa bya maofweshi a misampi. Kabiji bino bishimikwa bikebewa kwibiwamisha paonaika inge papita kimye. Tubena kwimutundaika kwingijisha kimye kyenu ne bulume kwingilako uno mingilo.

• Twakonsha kwingilako pa juba jibumba ja mwingilo mo tuji po jiwamisha Nzubo ya Bufumu

• Twakonsha kwipana kufunda bya kuwamisha Nzubo ya Bufumu

• Twakonsha kunemba Pepala wa Bakeba Kwingilako Mwingilo wa Kushimika (DC-50) pa kuba’mba twingilengako uno mwingilo saka tukelela kufuma ku nzubo kwetu

• Twakonsha kunemba Pepala wa Bakeba Kwipana Kwingilako Mingilo ya Lesa (A-19) ne kwingilangako mulungu umo pa Betele nangwa pa bishimikwa bikwabo bya musampi

TAMBAI LUBAJI LWAFUMA MU VIDYO WA KUBA’MBA BABENA KUNENGEZHA KUTENDEKA KUSHIMIKA BISHIMIKWA BIKWABO, APA BINO MUKUMBULE ANO MEPUZHO:

• Kutendeka mu mwaka wa 2014, tubena kwingijisha byepi mavidyo kukila kala?

• Pa kuba’mba tulupulenga mavidyo avula, ñanyi bishimikwa byo babena kunengezha kutendeka kushimika, kabiji uno mwingilo ukatendeka ne kupwa ñanyi kimye?

• Balongo ne banyenga bakonsha kwipana byepi kwingilako uno mwingilo?

• Inge mubena kukeba kwipana kwingilako ku Ramapo, mambo ka o mwafwainwa kunembela pepala wa bakeba kwingilako mwingilo wa kushimika (DC-50) pa kwingilako ko babena kushimika bishimikwa bya Lesa?

• Ñanyi bintu bitulengela kushiinwa kuba’mba kine Yehoba ubena ‘kutangijila’ uno mwingilo?

• Twakonsha kutundaika byepi uno mwingilo inge kya kuba kechi twakonsha kuya na kwingilako ne?