BYA BUNEME BIJI MU MAMBO A LESA | BENA LEVI 10-11
Twafwainwa Kutemwa Yehoba Kukila byo Twatemwa Kisemi Kyetu
Bukishinka bwetu kwi Yehoba bwakonsha kwesekwa bingi inge muntu ye twatemwa bamupanga mu kipwilo. Byambo Yehoba byo akambizhe Alona bitujimunako kuba’mba twafwainwa kuleka kupwanañana na wa mu kisemi ye bapanga mu kipwilo. Twafwainwa kutemwa Yehoba kukila byo twatemwa balongo betu ba mu kisemi balenga mambo.
Aba balondela mukambizho wa Yehoba wa kuleka kupwanañana na bantu bo bapanga mu kipwilo bamwenamo byepi?—1Ko 5:11; 2Yo 10, 11