Anweba Bansemi, Funjishainga Baana Benu

Tubena kwikala mu ntanda mo bamona byatama amba byawama ne byawama amba byatama. (Is 5:20) Bantu bamo boba bintu byashikwa Yehoba, nabiji kulaala na banabalume bakwabo nangwa na banabakazhi bakwabo. Bakwabo mo bafunjila sukulu nangwa bantutu bakwabo bakonsha kulengela baana benu kuba bino byubilo byatama. Mwakonsha kufunjisha byepi baana benu pa kuba’mba bakonshenga kushinda luno lweseko ne akwabotu?

Anweba bansemi, funjishainga baana benu Mizhilo ya Yehoba. (Le 18:3) Bafunjishainga kwesakana na jifumbi jabo pa kwilaala ko baswisha mu Baibolo. (Mpi 6:7) Ishikishai’mba: ‘Nanchi nafunjisha baana bami po bafwainwa kupelela mu kumwesha butemwe, mvwajilo yafwainwa ne bintu byo bafwainwa kubila kwa bunke bwabo nyi? Nanchi baana bami bakonsha kukana inge muntu ke ebatambishe bya mulekese nangwa ke ebambi­le’mba bobe byakanya Yehoba nyi?’ Kufunjisha baana benu kwibakwasha kubula kwiletelela makatazho. (Maana 27:12; Mus 7:12) Kufunjisha baana benu kumwesha’mba musanta pa buno buswanyi bwanema bingi bwimupa Yehoba.—Sl 127:3.

TAMBAI VIDYO WA KUBA’MBA SHIMIKAI NZUBO IKEKALA MYAKA NE MYAKA—ZHIKIJILAINGA BAANA BENU KU “BINTU BYATAMA,” APA BINO MUKUMBULE ANO MEPUZHO:

• 

  Mambo ka bamo o bakankazhamina kufunjisha baana babo pa bintu byaamba pa kwilaala?

• 

  Mambo ka bansemi o bafwainwa kufunjishanga baana babo “mu kwibajimuna ne kwibafunjisha maana a Yehoba”?—Ef 6:4

• 

  Ñanyi bintu byanengezha jibumba ja Yehoba bya kukwasha bansemi pa kufunjisha baana babo pa kwilaala?—w19.05 12, kakitenguluzha

• Mambo ka o mwafwainwa kwisambilanga na baana benu byatama saka bikyangye kwibamwekela?