Fuukulaipo Kwingijila Yehoba

Inge mwi bena Kilishitu banyike nangwa mubena kufunda Baibolo, nanchi muji na kikonkwanyi kya kubatizhiwa nyi? Mambo ka o mwafwainwa kufuukwilapo kubatizhiwa? Kwipana ne kubatizhiwa kukemulengela kwikala balunda ba Yehoba. (Sl 91:1) Kabiji kuba bino kwakonsha ne kwimulengela kupuluka. (1Pe 3:21) Mwakonsha kufikizha byepi bino bikonkwanyi?

Shiinwai na bukine. Inge mwaikala na mepuzho, kebakebai bishinka pa kuba’mba mutaane mikumbu. (Lo 12:2) Langulukai mo mwafwainwa kupimpulako pa kuba’mba mutookeshe Yehoba ku muchima. (Man 27:11; Ef 4:23, 24) Lombainga kwi Yehoba kimye kyonse ku­ba’mba emukwashe. Shiinwai kuba’mba Yehoba ukemukosesha ne kwimukwasha na mupashi wanji wazhila. (1Pe 5:10, 11) Mu kwibikako kwenu mukafuma bintu byawama bingi. Kinetu, kwingijila Yehoba bo bwikalo bwawama!—Sl 16:11.

TAMBAI VIDYO WA KUBA’MBA KUFUUKULAPO KUBATIZHIWA, APA BINO MUKUMBULE ANO MEPUZHO:

• Ñanyi mikiika yashinda bamo pa kuba’mba babatizhiwe?

• Mwakonsha kwikala byepi na luketekelo lukemukwasha kwipana kwi Yehoba?

• Ñanyi bintu bilengela bamo kwibikako kufikizha bikebewa pa ku­ba’mba bafikilemo kubatizhiwa?

• Yehoba upesha byepi boba bafuukulapo kumwingijila?

• Kwipana ne kubatizhiwa kulumbulula ka?