Funjishainga bo Mufunjisha Baibolo bya Kufunda Mambo a Lesa

Pa kuba’mba mwibakwashe kuyuka Yehoba ne kukosesha bulunda bwabo ne aye, bo tufunjisha Baibolo bafwainwa kufunjilangapo ne bikwabo, kechi kupelelatu pa bukine bo twibafunjisha ne. (Mat 5:3; Heb 5:12–6:2) Twafwainwa kwibakwasha kuyuka bya kwifunjisha abo bene.

Aku mutendekatu kumufunjisha Baibolo, mumweshai ye mufunjisha Baibolo bya kunengezha lufunjisho ne kumutundaika kubanga bino kimye kyonse. (mwb18.03 6) Batundaikainga kulomba saka bakyangye kutendeka kufunda Baibolo pa bunke bwabo. Bakwashai bya kutaana keyala wetu paji mabuku o bakonsha kwingijisha pa kufunda Baibolo. Balumbulwilai bya kutaana bintu bya katataka byo babika pa jw.org ne pa JW Broadcasting^®. Bakwashainga pachepache bya kutanga Baibolo moba onse, kunengezha kupwila ne bya kukeba mikumbu ya mepuzho o baji nao. Bakwashainga kulanguluka-languluka pa bintu byo babena kufunda.

TAMBAI VIDYO WA KUBA’MBA KWASHAINGA BO MUFUNJISHA BAIBOLO BYA KUFUNDA MAMBO A LESA, APA BINO MUKUMBULE ANO MEPUZHO:

• Neeta waji kukwasha byepi Jade kuyuka kuba’mba kufunda Baibolo kechi kulumbulula kuyukatu mikumbu ne?

• Ñanyi kintu kyaji kukwasha Jade kushiinwa’mba kyayilamo bingi Yehoba kwitukanya kuchinuzhuka bulalelale?

• Ñanyi kishinka kyaji kufika Jade pa muchima pa ene mambo kulanguluka-languluka pa byo tufunda o kwanemena?