Byo Tufunjilako ku Bwikalo bwa kwa Samwela

Samwela watwajijile kwikala wa kishinka kwi Yehoba mu bwikalo bwanji bonse. Byo ajinga kalombwana, wakaine byubilo bincha byajinga na baana ba kwa Eli, aye Hofini ne Finease. (1Sa 2:22-26) Samwela byo akomenenga, Yehoba watwajijile kwikala nanji. (1Sa 3:19) Kabiji byo akomene ke mukulumpe, watwajijile kwikala wakishinka kwi Yehoba nangwa kya kuba baana banji kechi bajinga bakishinka ne.—1Sa 8:1-5.

Ñanyi bintu byo tufunjilako kwi Samwela? Inge mwibanyike, shiinwai kuba’mba Yehoba wayuka makatazho onse o mupitamo ne byo mumvwa. Wakonsha kwimukwasha kwikala bachinchika. (Is 41:10, 13) Inge mwi bansemi baji na mwana waleka kwingijila Yehoba, mwafwainwa kutundaikwa kuba’mba Samwela naye kechi wakonsheshe kukanjikizha baana banji bakoma kukookelanga mizhilo ya Yehoba ne. Washijiile byonse mu maboko a Yehoba. Aye watwajijile kwikala wakishinka kabiji wasangajikile bingi muchima wa Shanji wa mwiulu aye Yehoba. Ne anweba kampe bwikalo bwenu bwawama bwakonsha kulengela baana benu kubwela kwi Yehoba.

TAMBAI VIDYO WA KUBA’MBA BYO TUFUNJILAKO KWI ABO—SAMWELA, APA BINO MUKUMBULE ANO MEPUZHO:

• 

  Samwela wamwesheshe byepi kuchinchika byo ajinga kalombwana?

• 

  Danny waji kumwesha byepi kuchinchika?

• 

  Samwela wamwesheshe byepi kya kumwenako kyawama byo akomene?

• 

  Bansemi ba kwa Danny bamwesheshe byepi kya kumwenako kyawama?