Ambainga pa Bibena Kumweka pa Kusapwila

Pa kusapwila, Yesu waambanga pa bintu bibena kumweka pa kufunjisha bantu. (Luk 13:1-5) Ne anweba inge ke mwambe pa bintu bibena kumweka pa kusapwila, mukalengelanga bantu kutako bingi muchima ku mambo awama a Bufumu. Panyuma ya kwamba pa kubayilako kwa mitengo, bya malwa biponakotu bine, milukuchi, kunonkwa buzha ku michi ipendañana ne bintutu bikwabo byatama, mwakonsha kwibepuzha bwipuzho bwa kwibalengela kulangulukapo. Mwakonsha kwipuzha’mba: “Nanchi mwalanguluka’mba . . . bikapwa nyi?” nangwa’mba “Mwalanguluka’mba ki ka kyakonsha kupwisha . . . ?” Apa bino mwatanga kinembelo kyaamba pa kyokyo kintu kyo mwisambapo. Inge muntu watako muchima, mwakonsha kumutambisha vidyo nangwa kumushiila buku nangwa buloshuwa ye tufunjishamo bantu Baibolo. Byo tubena kwibikako kufika bantu pa muchima mu nyaunda yetu, twayai tutwajijile kubanga “bintu byonse na mambo a mambo awama.”—1Ko 9:22, 23.

Ñanyi bintu byakonsha kulengela bantu kutako muchima mu nyaunda yenu?