Ketekelai Kuba’mba Mwakonsha Kuchinchika Bwikalo Bwa Kubula Mali

Bwikalo mu ano moba a kupelako bwavula makatazho. Byo tubena kunangijila ku mpelo ya buno bwikalo, makatazho abena kuvujilakotu. Bimye bimo twakonsha kukajilwa bintu bimo bya mu bwikalo. (Hab 3:16-18) Ñanyi kintu kiketukwasha kuchinchika bwikalo bwa kubula mali? Twafwainwa kutwajijila kuketekela Lesa wetu aye Yehoba. Walaya kulama bakalume banji, kabiji wakonsha kwitupa bikebewa mu mashinda aji onse.—Sl 37:18, 19; Heb 13:5, 6.

Byo mwakonsha kuba:

• Sashijilai Yehoba kwimutangijila, kwimupa maana ne kwimukwasha.—Sl 62:8

• Ipanai kwingila mingilo yo mukyangye kwingilapo kala.—g 1/10 8-9, tubitenguluzha

• Twajijilai kukosesha bulunda bwenu ne Lesa, kino kyavwangamo kutanga Mambo a Lesa pa juba pa juba, kupwilanga ne kwingila mwingilo wa kusapwila

TAMBAI VIDYO WA KUBA’MBA SHIMIKAI NZUBO IKEKALA MYAKA NE MYAKA​—“SEKELAINGA MU BINTU BYONKA BYO MUJI NABYO,” APA BINO MUKUMBULE ANO MEPUZHO:

• Ñanyi makatazho abena kupitamo bisemi bimo?

• Ñanyi kintu kyanemesha mu bwikalo?

• Twakonsha kukwasha byepi babena kupita mu lukatazho lwa kubula mali?