BYAFWAINWA KWIKALA BENA KILISHITU

Bintu bya Kwitukwasha Biji mu Buku wa Mukekala Myaka ne Myaka!

Nanchi mumvwa bulongo kwingijisha mavidyo ne mepuzho asolola bibena kulanguluka muntu aji mu buku wa Mukekala Myaka ne Myaka! nyi? Ibyepi pa bintu biji mu uno buku nabiji paamba’mba “Bantu Bamo Bamba’mba,” “Ubai Bino,” ne “Kebai Bishinka Bikwabo”? Ñanyi bintu bikwabo byo mwamona’mba byakonsha kwimukwasha kimye kyo mubena kufunjisha muntu Baibolo?—Mat 28:19, 20.

Buku wa kuba’mba “Mukekala Myaka ne Myaka!” uji pa “JW Library.” Tuyukilo twamwesha pa kuchinta pa kuya pa kipungu kya kuba’mba “Mavidyo ne Byambo Bikwabo biji pa Kipungu 1.”

Mavidyo ne Byambo Bikwabo: Umvwe mwatemwa kwingijisha buku ye bapulinta pa kufunjisha muntu Baibolo, mwakonsha kuba byepi na mavidyo onse, byambo byo bakopela jimo ne bikwabotu? Pa buku uji pa kiñambañamba, chintai peulu po banemba’mba kipungu. Apa bino muye kunshi kwapelela mafunjisho a kyo kyo kipungu, kepo mwachinta po banemba’mba mavidyo ne byambo bikwabo. (Monai kipikichala kitanshi)

Bya Kuba Inge Mukeba Amba Byambo Bimwekenga Byonka byo Biji mu ye Bapulinta: Inge mubena kufunjisha muntu Baibolo kwingijisha kiñambañamba, kimo kimye mwakonsha kuchinta palengela byambo kumweka byonka byo biji mu buku ye bapulinta. Inge muji mu lufunjisho, chintai paji tumantomya tusatu kwiulu apa bino mwachinta panembwa’mba “Printed Edition.” Kuba bino kukemulengela kumona byo mubena kwisambapo byo byakwatankana na lolo lufunjisho lonse. Pa kuba’mba mubwele pa byo bamunengezha uno buku pa kiñambañamba, chintai jikwabo pa tumantomya tusatu ne kuchinta paamba’mba “Digital Edition.”

Buku wa kuba’mba “Mukekala Myaka ne Myaka!” uji pa “JW Library.” Tuyukilo twamwesha pa kuchinta pa kuya pa kipungu kya kuba’mba “Nanchi Nafikilamo Nyi?” ne “Byambo byo Balumbulula.”

“Nanchi Nafikilamo Nyi?”: Tuno tubitenguluzha tuji kwapela buku twaamba pa bintu byafwainwa kuba muntu pa kuba’mba afikilemo kutendeka kusapwila pamo na kipwilo ne kubatizhiwa. (Monai kipikichala kya bubiji.)

Byambo byo Balumbulula: Byambo byo balumbulula byaamba pa bishinka bikwabo byaamba pa mitwe imo yanema. Pa buku wa pa kiñambañamba paji ne musabilo ku mpelo ya byambo byo balumbulula wa kwimubwezha po mwaji kupelela mu lufunjisho. (Monai kipikichala 2.)

Mwafwainwa kupwisha kufunjisha muntu mu buku wa kuba’mba Mukekala Myaka ne Myaka! Kabiji inge wabatizhiwa saka akyangye kupwisha uno buku, mwafwainwa kutwajijila kumufunjisha. Mwafwainwa kutwajijila kubala kimye, kubwelako ne lufunjisho nangwatu wabatizhiwa kala. Inge mubena kwingila na musapwishi mukwabo ubena kwambapo pa kufunjisha muntu, aye wafwainwa kubalatu kimye.